டேட்ஸ் ஆல்மண்ட் அல்வா

டேட்ஸ் ஆல்மண்ட் அல்வா

தேவையானவை:

பால்- 4 கப்

ஊற வைத்து தோலுரித்து அரைத்த பாதாம் விழுது-1 கப்

சர்க்கரை – 2 கப்

பொடியாக நறுக்கிய பேரிச்சம்பழம்-3/4 கப்

மைதா-50 கிராம்

 நெய்-250 கிராம்

முந்திரிபருப்பு-25 கிராம்

லெமன் யெல்லோ கலர்ப்பொடி -1 சிட்டிகை.

செய்முறை:

           மைதாவை நெய்யில் தளர்ச்சியாக வறுக்கவும்.பேரீச்சம் பழத்தை  பாலில் நன்கு வேக வைத்து மசிக்கவும்.முதலில் 1 கப் பாலுடன் பாதாம் விழுதை சேர்த்து அடுப்பில் வைத்து கிளறவும். திரண்டு வந்ததும் சிறிது சிறிதாக எல்லா பாலையும் சேர்த்து கிளறிக்கொண்டிருக்கவும். இன்னொரு பர்னரில் சர்க்கரையுடன் 1 ½ கப் நீர் சேர்த்து பாகு வைக்கவும்.பால்,பாதாம் கலவையுடன் பேரிச்சை , மைதா சேர்த்து கிளறவும்.லெமன் யெல்லோ ஒரு சிட்டிகை சேர்த்து கிளறவும்.எல்லா  நெய்யையும் சிறிது சிறிதாக சேர்க்கவும். முதிர்ந்த பாகில் கொட்டி கிளறவும்.தேவைப்பட்டால் ஏலப்பொடி சேர்க்கவும். முந்திரி துண்டுகள் நெய்யில் சேர்த்து வறுத்து கிளறி , பாத்திரத்தில் ஒட்டாமல்  நெய் பிரியும் வேளையில் அடுப்பை அணைத்துவிட்டு  அந்த சூட்டிலேயே சிறிது நேரம் கிளறி , இறக்கி நெய் தடவிய ட்ரேயில் கொட்டி பரப்பவும்.இன்னும் கொஞ்சம் சாப்பிடலாம் என்று சுவையை தூண்டும் அல்வா இது..!