கறி வடாம்
------------------
தேவை
-----------------
சின்ன வெங்காயம் ----- 1 கிலோ
பூண்டு ---- 100 கிராம்
துவரம் பருப்பு ---- 100 கிராம்
கடுகு, வெள்ளை உளுந்தம் பருப்பு, வெந்தயம், சீரகம் ---- தலா 50 கிராம்
மஞ்சள் பொடி --- 2 டீஸ்பூன்
விளக்கெண்ணெய் ---- 50 மில்லி
உப்பு ---- 1 கைப்பிடி
கறிவேப்பிலை ---- 2 ஆர்க்கு
செய்முறை :
----------------------
சின்ன வெங்கயத்தை தோல் நீக்கி, கல்லுரலில் குத்தி ஒன்றிரண்டாக உடைக்கவும். அல்லது மிக்ஸியில் சுற்றவும் . பூண்டு பற்களை தோல் நீக்காமலே ஒன்றிரண்டாக நசுக்கி சேர்க்கவும். மஞ்சள் பொடி உப்பு போட்டு கலக்கவும். உப்பு கரிக்குமளவுக்கு அதிகமாக இருக்க வேண்டும்.
விளக்கெண்ணெய் தவிர அனைத்து பொருட்களையும் சேர்த்து, நீர் வருமளவு அழுத்திப் பிசைந்து மூடி வைத்து ஒரு நாள் முழுவதும் அப்படியே இருந்தபின்
மறுநாள் கையினால் தண்ணீரை இறுக்கிப் பிழிந்து முடிந்த அளவு உருட்டி தட்டில் வைத்து வெயிலில் வைத்து காய விடவும். தண்ணீரையும் வெயிலில் வைக்கவும்.
மாலை அனைத்தையும் தண்ணீரில் கலந்து எடுத்து மறுநாளும் முன்பு பண்ணிய மாதிரியே காயவைத்து எடுக்கவும் . தண்ணீர் வற்றி அனைத்தும் உலர்ந்த நிலைக்கு வந்த பின் மேலும் காயவிடாமல் விளக்கெண்ணெய் சேர்த்துப் பிசைந்து உருண்டைகளாகப் பிடித்து வெயிலில் காயவிடவும். அடிக்கடி இறுக்கி பிடித்து வைக்கவும். நன்கு காய்ந்த பின் ஈரமில்லாத பாத்திரத்தில் சேகரித்து வைக்கவும்.
காரக்குழம்பு, மீன் குழம்பு கீரைக்கடையல் போன்றவற்றுக்கு சுவை கூட்டும் தாளிப்பு வடாம் இது!
