சேமியா மசாலா கிச்சடி

தேவையானவை:

வெர்மிசெல்லி சேமியா-200 கிராம்

தக்காளி-1/4 கிலோ

பூண்டு -4 பல்

இஞ்சி- விரற்கடை அளவு

பச்சைமிளகாய்-2

பெரிய வெங்காயம்-1

பிரியாணி மசாலாப்பொடி-1 டீஸ்பூன்

நெய்-2 டீஸ்பூன்

புதினா, மல்லித்தழை பொடியாக நறுக்கி-2 டீஸ்பூன்

எண்ணெய், உப்பு- தேவையான அளவு

செய்முறை:

சேமியாவை கொதித்த நீரில் ஒரு நிமிடம் மூழ்கவிட்டு நீர் வடிக்கவும். இஞ்சி, பூண்டை மிக்சியில் விழுதாக அரைக்கவும். தக்காளியை துண்டுகளாக்கி மிக்ஸியில் அரைத்து எடுக்கவும். வாணலியில் இரண்டு ஸ்பூன் எண்ணெய் விட்டு பட்டை, கிராம்பு, ஏலக்காய், பிரிஞ்சி இலை தலா இரண்டு போட்டு தாளித்து பொடியாக நறுக்கிய வெங்காயம், புதினா, மல்லித்தழை, பச்சை மிளகாய் சேர்த்து வதக்கிய பின் தக்காளி சாறு சேர்க்கவும். உப்பு பிரியாணி மசாலா சேர்த்து சுருண்டு வரும் போது சேமியாவை சேர்த்து நன்கு கிளறவும். நெய் சேர்க்கவும். விரும்பினால் ஒரு மூடி எலுமிச்சை பழம் பிழிந்து விட்டு கிளறி இறக்கவும்.