கோகனட் ரைஸ்

தேவையானவை:

பச்சரிசி-1 கப்

முற்றிய தேங்காய்-1 பெரிய மூடி

கடுகு-1/2 டீஸ்பூன்

உளுத்தம் பருப்பு-1 டீஸ்பூன்

கடலை பருப்பு-1டீஸ்பூன்

கறிவேப்பிலை-சிறிதளவு

பச்சைமிளகாய்-4

எண்ணெய், உப்பு- தேவைக்கேற்ப

செய்முறை:

பச்சரிசியுடன் இரண்டரை கப் தண்ணீர் சேர்த்து குக்கரில் பொலப்பொலப்பான சாதம் ஆக்கவும்.

வாணலியில் எண்ணெய் காய்ந்ததும் கடுகு, உளுத்தம்பருப்பு, கடலைப்பருப்பு, கறிவேப்பிலை தாளித்து பச்சை மிளகாய் நறுக்கி போட்டு தேங்காய்ப்பூ சேர்த்து மிதமான தணலில் சிவக்க வறுக்கவும். வறுக்கும் போதே உப்பு சேர்க்கவும்.

அகலமான பாத்திரத்தில் சாதத்தை கொட்டி ஆறவைத்த பின்  தேங்காய்ப்பூ சேர்த்து நன்றாக கிளறவும். விரும்பினால் கடைசியாக் இரண்டு வரமிளகாய் எண்ணெயில் தாளித்து சேர்க்கலாம்.