குதிரைவாலி காராமணி புட்டு

குதிரைவாலி  காராமணி  புட்டு 

குதிரைவாலி  அரிசி   1 கப் ,

காராமணிப் பயறு- 1/4 கப்,

வெல்லம்- 200 கிராம்,

தேங்காய்ப்பூ- 2 டீஸ்பூன்,

நெய்* 25 கிராம்,

ஏலக்காய்- 5

செய்முறை;

குதிரைவாலி  அரிசியை  வெறும்  வாணலியில்  சிவக்க  வறுத்து  நைசாகப்  பொடித்து 

சிட்டிகை  உப்பு  கலந்த  நீர்  விட்டுப்  பிசிறிப்  பிசைந்து  கட்டிகளின்றி  உதிரியாக  அழுத்தி 

மூடிவைக்கவும்.

       சுமார்  நாலு  மணி  நேரம்  ஊறிய  காராமணிப்  பயறை  மூழ்கும் வரை  நீரில்  போட்டுக் 

 குழையாமல்  மலர  வெந்ததும்  இறக்கி  நீர்வடித்து  உலரவிட்டபின்  மிக்சியில்  ஒன்றிரண்டாகப் 

பொடிக்கவும். கொதிக்கும்  நீரில்  வெல்லத்தைக்  கரைத்து  வடிகட்டிப்  பாகுவைக்கவும்.

            இன்னொரு  பர்னரில்  குதிரைவாலி  மாவை  ஆவியில்  புட்டாகத்  தேங்காய்ப்பூ  சேர்த்து  வேக 

வைத்து  எடுத்து  முதிர்ந்த  பாகு  ஏலப்பொடி  நெய்  சேர்த்துக்  கிளறவும். விரும்பினால்  திராட்சை,

முந்திரி  நெய்யில்  வறுத்துப்  போட்டுக்  கிளறிப்  பரிமாறவும்.

குதிரைவாலி தித்திப்புப் பொங்கல்

குதிரைவாலி  தித்திப்புப்  பொங்கல் 

தேவையானவை;

குதிரைவாலி  அரிசி - 1 கப்,

பாசிப்பருப்பு- 1/2 கப்,

பால்- 2 கப்,

பொடித்த  வெல்லம்- 1 1/2 கப்,

நெய்- 100 கிராம்,

ஏலக்காய்- 5,

முந்திரி, திராட்சை- தலா- 20 கிராம் 

செய்முறை;

வெறும்  வாணலியில்  பாசிப்பருப்பைச்  சிவக்க  வறுத்து  குதிரைவாலி  அரிசியோடு 

குக்கரில்  போட்டு பால், 3 கப்  தண்ணீர்  சிட்டிகை  உப்பு  சேர்த்துக்  கொதித்ததும்  கிளறி 

மூடி  வெயிட்  போட்டு  நாலு  பிரஷர்  வந்ததும்  அடுப்பை  அணைக்கவும்.

            கொதிக்கும்  நீரில்  வெல்லத்தைக்  கரைத்து  வடிகட்டிப்  பாகு  வைக்கவும். ஸ்டீம் 

தணிந்ததும்  குக்கரைத்  திறந்து  முதிர்ந்த  பாகைச் சேர்க்கவும். ஏலப்பொடி  சேர்த்துக்  கிளறவும்.

            நெய், நெய்யில்  வறுத்த  முந்திரி, திராட்சை  சேர்த்துக்  கிளறிப்  பரிமாறவும்.

பேபி அப்பம்

பேபி  அப்பம் 

 தேவையானவை 

பாம்பே  ரவை - 1 கப் 

மைதா- 1/2 கப் 

சர்க்கரை- 1 கப்,

பால்- 1/4 லிட்டர்,

தேங்காய்ப்பூ- 1 டேபிள் ஸ்பூன்,

ஏலக்காய்- 4,

எண்ணெய்- தேவைக்கு,

செய்முறை;

பாலுடன்  சர்க்கரை  சேர்த்துக்  காய்ச்சவும்.வறுத்த  ரவை, மைதாவுடன்  தேங்காய்ப்பூ, 

ஏலப்பொடி  சேர்த்து  சூடான  பால்  விட்டுக் கிளறி  வடை  மாவு போல்  பிசைந்து  மூடி 

வைக்கவும்.

        ஒரு  மணி நேரம்  ஊறிய  மாவை  மீண்டும்  பிசைந்து, காய்ந்த  எண்ணெயில்  விரல்களினால் 

சிறிது சிறிதாக  எடுத்துக்  கிள்ளிப்  போட்டு  அடுப்பைக்  குறைவாக  எரியவிட்டுத்  திருப்பிப்  போட்டு 

வேகவைத்து  எடுக்கவும்.

ரவா வெஜிடபிள் பொங்கல்

 ரவா  வெஜிடபிள்  பொங்கல் 

தேவையானவை :

 

பாம்பே ரவை -1கப் , 

பாசிப்பருப்பு -1/2கப் ,

கேரட் ,பீன்ஸ் ,நூல்க்கோல் ,குடமிளகாய் போன்ற  காய்கறித்துண்டுகள் -1கப் ,

பச்சைபட்டாணி -1/2கப் ,

தக்காளி -1,  

பச்சைமிளகாய் -4,

இஞ்சி துருவல் -1டீஸ்பூன் ,

நெய் -50கிராம் ,

உப்பு ,எண்ணெய்  தேவைக்கு.

செய்முறை :

 

              ரவையை  வெறும் வாணலியில்  வறுத்து வைக்கவும் . பாசிப்பருப்பை  வறுத்து நீர்  விட்டு வேகவிடவும் .

சிறிது எண்ணெய் விட்டு காய்கள் ,தக்காளி ,பச்சைமிளகாய் ,இஞ்சி துருவல்  அனைத்தையும் ஒரு நிமிடம்  வதக்கி 

 

உப்பும் ,நீரும்  சேர்த்து வேக விடவும் .வெந்த பாசிப்பருப்பை  சேர்க்கவும் . தளர்ச்சியான கலவையில் ரவையை 

சிறிது சிறிதாக தூவி மசித்து கிளறவும் . 

              

               அரைமூடி எலுமிச்சைச்சாறும் ,நெய்யும்  சேர்த்துக் கிளறவும் . விரும்பினால் முந்திரிப் பருப்பு  நெய்யில் 

  

வறுத்து சேர்க்கவும் .மல்லித்தழை  தூவி  சூடாகப் பரிமாறவும் .

                  

                அசத்தலான கலரும் ,அபாரசுவையும் கொண்ட இந்தப்  பொங்கலை காலை மற்றும் இரவு நேர 

உணவாகச் சாப்பிடலாம் .  

ரவா பால் கேசரி

 ரவா  பால்  கேசரி 

தேவையானவை 

பாம்பே  ரவை;- 1 கப் 

பால்- 1/2 லிட்டர் ,,,

சர்க்கரை- 1 1/2 கப் 

நெய்- 100 கிராம் 

ஏலக்காய்-  4

முந்திரி, திராட்சை- தலா 20 கிராம் 

செய்முறை 

பாலைக்  காய்ச்சவும். பால்  கொதித்ததும்  அடுப்பைக்  குறைத்து  வைத்து  வறுத்த  ரவையைத்  தூவிக் 

கிளறவும். ரவை  வெந்ததும்  சர்க்கரை  சேர்த்துக்  கிளறவும். நெய், நெய்யில்  வறுத்த  திராட்சை , முந்திரி 

ஏலப்பொடி  சேர்த்துக்  கிளறி  இறக்கவும்.

             திடீர்  விருந்தினர்  வருகையின்  போது  இந்த  ஸ்பெஷல்  கேசரியைப்  பண்ணி  அசத்தலாம்.

குதிரை வாலி பால் அப்பம்

குதிரை வாலி  பால்  அப்பம் 

தேவையானவை;

குதிரைவாலி  அரிசி  1 கப்,

பால்- 1/4 லிட்டர்,

சர்க்கரை- 100 கிராம்,

மைதா- 2 டீஸ்பூன்,

ஏலக்காய்- 4

செய்முறை- 

காய்ச்சிய  பால்  சேர்த்துக்  குதிரைவாலியை  ஊறவைத்து  சர்க்கரை  சேர்த்து   அரைக்கவும்.  இட்லிமாவு 

பதத்திற்கு  எடுக்கவும்' மைதா , சிட்டிகை  உப்பு  சேர்த்துக்  கலக்கி  காய்ந்த  எண்ணெயில்  கரண்டியால் 

மொண்டு  ஊற்றி  மிதமான  தணலில்  நிதானமாக  வேகவிட்டு  எடுக்கவும்.

குதிரைவாலி பால் அன்னம்

குதிரைவாலி  பால்  அன்னம் 

தேவையானவை 

 குதிரைவாலி  அரிசி- 1 கப்,

பால்- 1/2 லிட்டர்,

கல்கண்டு- 100 கிராம்,

நெய்- 100 கிராம்,

ஏலக்காய்- 6,

முந்திரி,  திராட்சை- தலா  20 கிராம் 

செய்முறை;

குதிரைவாலி  அரிசியுடன்  சிட்டிகை  உப்பு  3 கப்  தண்ணீர்  சேர்த்து  குக்கரில்  போட்டு  மூன்று 

பிரஷர்  வந்ததும்  அடுப்பை  அணைக்கவும். பாலுடன்  கல்கண்டு  சேர்த்து  அடுப்பில்  வைத்துக் 

காய்ச்சவும். சர்க்கரை  கரைந்து  பால்  கெட்டியாகித்  திரளும்போது  இறக்கவும்.

              குக்கரைத்  திறந்து  பால்  கலவையைக்  கொட்டி  மசித்துக்  கிளறவும். ஏலப்பொடி  சேர்க்கவும்.

நெய், நெய்யில்  வறுத்த  திராட்சை, முந்திரி  வறுத்துப்  போட்டுக்  கிளறிப்  பரிமாறவும்.