எண்ணெய் கத்தரிக்காய் குழம்பு       

*************************************************************************

தேவை :          

----------------

             பிஞ்சு கத்தரிக்காய் ----- 4,

              சின்ன வெங்காயம்  ----- 1கைப்பிடி,

              பூண்டு பற்கள் ------ 6 ,

             புளி ------- சின்ன எலுமிச்சை அளவு,

              பச்சை மிளகாய்  ---- 4 , தக்காளி  --- சின்னதாக இரண்டு,

              மஞ்சள் பொடி ---- 1/4 டீஸ்பூன்,    மிளகாய்ப்பொடி ------ 1/2 டீஸ்பூன்,

              மல்லிப்பொடி ---  1 டீஸ்பூன், 

               சீரகப்பொடி ---- 1/2 டீஸ்பூன், மல்லித்தழை - சிறிது, தயிர் - 2 டேபிள்ஸ்பூன் ,

                கறிவடகம் --- சின்ன சைஸ் 2 , வெல்லத்தூள் ----- 1 டீஸ்பூன்,

                 கறிவேப்பிலை ----- 1 ஆர்க்கு  ,உப்பு, எண்ணெய் ---  தேவைக்கு..

செய்முறை :

--------------------------

                    வாணலியில் எண்ணெய் காயவைத்து, கறிவேப்பிலை போட்டு பொரிந்ததும், உரித்த வெங்காயம், பூண்டு பற்கள் தக்காளித் துண்டுகள் சேர்த்து நன்கு வதங்கியதும், நான்காக வகுந்த கத்தரிக்காய்களைச் சேர்த்து வதக்கி, காய்கள் நன்கு சுருங்கியதும், புளித்தண்ணீர் விட்டு, மஞ்சள் பொடி, மிளகாய்ப்பொடி ,மல்லிப்பொடி ,சீரகப்பொடி சேர்த்துப் போதுமான நீர் விட்டு கொதிக்கவிட்டு  பச்சை வாசனை போய்  நல்ல மணத்துடன், எண்ணெய் பிரியும் தருணத்தில் வெல்லம், தயிர் சேர்த்து கொதிக்க விட்டு, நல்லெண்ணெய் வேறு பர்னரில் காயவிட்டு கறிவடகம் உதிர்த்து விட்டுப் பொரிந்ததும் குழம்பில் கொட்டி இறக்கவும்.