கறிவடாம் குழம்பு
*******************
தேவை :
-------------
சின்ன வெங்காயம் ----- 1 கைப்பிடி,
பூண்டு பற்கள்----- 6,
தக்காளி ------- 1,
புளி ---------- சின்ன எலுமிச்சையளவு ,
கறி வடாம் ( சின்ன சைஸ்) ----- 2,
மிளகாய்த்தூள் ----------- 1/2 டீஸ்பூன்,
மல்லித்தூள் ------- 1 டீஸ்பூன்,
சீரகத் தூள் -------- 1/2 டீஸ்பூன்,
மஞ்சள் தூள் ------- 1/2 டீஸ்பூன் கறிவேப்பிலை ---- 1 ஆர்க்கு,
மல்லித்தழை -------- சிறிது,
உப்பு, எண்ணெய் ------ தேவைக்கு.
செய்முறை :
--------------------
வாணலியில் எண்ணெய் காயவைத்து, கறிவடாம்களை உதிர்த்து விட்டு நன்கு பொரித்து எடுக்கவும். அதே வாணலியில் எண்ணெய் விட்டு, கறிவேப்பிலை போட்டு பொரிந்ததும், உரித்த வெங்காயம், பூண்டு ,தக்காளித் துண்டுகள் சேர்த்து, பொன்னிறமாக வதங்கியதும், புளி கரைத்த நீர் விட்டு, மஞ்சள் தூள், மல்லித்தூள், சீரகத்தூள், மிளகாய்த்தூள், உப்பு மல்லித்தழை சேர்த்து நன்கு கொதித்து, குழம்பு நல்ல மணம், நிறத்தோடு எண்ணெய் பிரியும் தருணத்தில், பொரித்து வைத்திருக்கும் கருவடாம் சேர்த்துக் கிளறி இறக்கவும்.
சூடான சாதத்தோடு பிசைந்து சாப்பிட மிகுந்த சுவையாக இருக்கும்.
கருத்துகள் இல்லை:
கருத்துரையிடுக