வீட் பிஸிபேளா
தேவையானவை
சம்பா கோதுமை குருணை (பெருவெட்டாக உடைத்தது)-1கப்
துவரம் பருப்பு-1/2 கப்
புளி- சின்ன எலுமிச்சை அளவு
மிளகாய் வற்றல்-4
தனியா-1 டேபிள் ஸ்பூன்
கடலைப்பருப்பு-1 டீஸ்பூன்
சீரகம்-1 டீஸ்பூன்
பெருங்காயப்பொடி -1/2 டீஸ்பூன்
மிளகு-1/2 டீஸ்பூன்
உப்பு-தேவைக்கேற்ப
முருங்கைக்காய்-1
கத்தரிக்காய்-2
அவரைக்காய்-6
கேரட்-1
தக்காளி-2
சின்ன வெங்காயம்-10
கருவேப்பிலை, கொத்தமல்லி
செய்முறை
கோதுமைக்குருணை, துவரம்பருப்பை ஒன்றாக நாலுகப் தண்ணீர் விட்டு பிரஷரில் குழைய வேக வைக்கவும்.
மிளகாய் வற்றல், தனியா, கடலைப்பருப்பு, சீரகம் ஆகியவற்றை வெறும் வாணலியில் வறுத்து மிக்சியில் நைசாகப் பொடித்து புளியை ஊறவைக்கவும். சின்ன வெங்காயம் , தக்காளி ஆகியவற்றுடன் காய்களை நறுக்கி , வாணலியில் கடுகு, உளுத்தம்பருப்பு, வெந்தயம் ஆகியவற்றுடன் இரண்டு மிளகாய் வற்றலும் சேர்த்து தாளித்து காய்கள், வெங்காயம், தக்காளி ஆகியவற்றை சிறிது நேரம் புரட்டி புளியை கரைத்துவிட்டு பொடித்தவற்றையும், பெருங்காயம், கருவேப்பிலை, மல்லி சேர்த்துப்போட்டு , உப்பு சேர்த்து காய்கள் நன்கு வெந்ததும் அதை கோதுமை சாதத்தில் கொட்டி நன்கு தளர்ச்சியாக கிளறி இறக்கவும்.
தொட்டுக்கொள்ள டாக்கர் பச்சடி, அப்பளம் நன்றாக இருக்கும்.
கருத்துகள் இல்லை:
கருத்துரையிடுக