வாழைப்பூ வடை
தேவையானவை;
ஆய்ந்து பொடியாக நறுக்கிய வாழைப்பூ- 1 1/2 கப் ,
கடலைப் பருப்பு -1 கப்,
பொடியாக நறுக்கிய பெரிய வெங்காயம்-1/2 கப்,
பொடியாக நறுக்கிய புதினா- 1/2 கப்,
பச்சை மிளகாய்- 4,
இஞ்சி- சின்ன துண்டு,
சோம்பு- 1 டீஸ்பூன்,
உப்பு, எண்ணெய்- தேவைக்கு,
செய்முறை;
கடலைப் பருப்பை அரை மணி நேரம் ஊறவைத்தபின் நீர் வடித்து வைக்கவும். பத்து
நிமிடத்துக்குப் பின் இஞ்சி , பச்சைமிளகாய், சோம்பு, உப்பு ஆகியவற்றை நீர் சேர்க்காமல்
மிக்ஸியில் சுற்றியபின் கடலைப் பருப்பைச் சேர்த்து நீர் விடாமல் கொரகொரப்பாக அரைத்து
எடுக்கவும்.
வாழைப்பூ, புதினா, வெங்காயம் ஆகியவற்றை மாவில் போட்டுப் பிசைந்து வாணலியில்
காய்ந்த எண்ணெயில் வடைகளாகத் தட்டிப் போட்டு அடுப்பை மிதமாக எரியவிட்டுத் திருப்பிப்
போட்டு முறுகலாக வேகவிட்டு எடுக்கவும்.
சுவையும், சத்தும் மிகுந்த இந்த வடையை மாலை நேரச் சிற்றுண்டியாகச் சாப்பிடலாம்.
கருத்துகள் இல்லை:
கருத்துரையிடுக