மிளகுக் குழம்பு
தேவையானவை;
புளி- எலுமிச்சையளவு,
தக்காளி- 2,
மிளகு- 1 டேபிள்ஸ்பூன்,
பூண்டு- 10 பல்,
மஞ்சள்பொடி- 1/2 டீஸ்பூன்,
தேங்காய்ப்பூ- 2 டேபிள்ஸ்பூன்,
மல்லிதழை- சிறிது,
உப்பு, எண்ணெய்- தேவைக்கு
தாளிக்க- கடுகு, உளுந்தம்பருப்பு- தலா 1/4 டீஸ்பூன், கறிவேப்பிலை- சிறிது
செய்முறை
புளியை ஊறவைத்துக் கரைத்து சக்கை நீக்கி வைக்கவும். தேங்காய்ப் பூவை நீர்
விட்டு நைசாக அரைத்தபின் பூண்டு, மிளகு சேர்த்துச் சற்று கொரகொரப்பாக
அரைத்து எடுக்கவும். வாணலியில் எண்ணெய் காயவைத்துத் தாளிக்கும் பொருட்கள்
தாளித்து அரைத்த விழுதைச் சேர்த்து சிறிது நேரம் புரட்டியபின் புளிநீர் சேர்க்கவும்.
மஞ்சள்பொடி, உப்பு, மல்லிதழை சேர்த்துப் பச்சை வாசனை போய் நல்ல மணத்துடன்
குழம்பு திக்கானதும் இறக்கவும்.
சாதத்துடன் பிசைந்து சாப்பிட சூப்பர் சுவையாக இருக்கும்.
கருத்துகள் இல்லை:
கருத்துரையிடுக