உருளைக்கிழங்கு காரக்கறி
தேவையானவை:
உருளைக்கிழங்கு- ¼ கிலோ
பெரிய வெங்காயம்-1
தக்காளி-1
பூண்டு-4 பல்
புதினா, மல்லித்தழை-சிறிதளவு
கறிமசால் பொடி- 1 டேபிள் ஸ்பூன்
உப்பு, எண்ணெய்- தேவைக்கு
தாளிக்க: கடுகு-1/2 டீஸ்பூன், உளுந்தம் பருப்பு-1 டீஸ்பூன், கறிவேப்பிலை- சிறிதளவு.
செய்முறை:
உருளைக்கிழங்கு வேகவைத்து ஆறிய பின் சிறுதுண்டுகளாக்கவும்.அத்துடன் கறிமசால்தூள், உப்புத்தூள் சேர்த்து பிசிறி சில நிமிடங்கள் மூடி வைக்கவும். காரம் அதிகம் விரும்பினால், சிறிது மிளகாய் பொடி சேர்த்து கொள்ளலாம்.
வாணலியில் எண்ணெய் விட்டு தாளிக்கும் பொருட்கள் தாளித்த பின், பொடியாக நறுக்கிய வெங்காயம், தக்காளி சேர்த்து வதக்கவும். பூண்டை பொடியாக்கி போடவும். புதினாவை பொடியாக நறுக்கி போட்டு எல்லாம் நன்றாக வதங்கிய பின் சிறிது தண்ணீர் சேர்த்து தளர்ச்சியாக்கி அத்துடன் உருளைக்கிழங்கு சேர்த்து புரட்டவும்.பச்சை வாசனைப் போய் நல்ல மணத்துடன் பாத்திரத்தில் ஒட்டாமல் சுருண்டு வரும் போது மல்லித்தழை சேர்த்து கிளறி இறக்கி வைக்கவும்.
கருத்துகள் இல்லை:
கருத்துரையிடுக